جميل الحظ

جابك جميل الحظ ياكامل الزين
يازين حظي بعض الأحيان لاقام
دريت إن الوقت مايحرم العين
من شوفة اللي شوفتة كانت أحلام
أثر المحبه زينها يتبع الشين
وتظهر حلاوتها على مر الأيام
لابد بعد الهم والضيق والبين
ترجع لنا الفرحه ولو غابت أعوام
قدّر لقانا خالق الناس من طين
وقدّر لنا الفرقا بعد لوم لوّام
حاولت أقدّم فرحتي قبل هالحين
لكن يوم العيد مايسبق اصيام
طبع الليالي تجمع العسر واللين
وحال العسر واللين لو طال مادام
أكبر دليل إنّه بعد غيبة سنين
عاد الحبيب وعادت أفراح منضام
والله ماكنت أعتقد جيّتك لين
شفتك بعيني واقفٍ لحم وعظام
ونسيت همٍ عاش فالقلب عامين
لين إعتقدت إن الفرح كذب واوهام
يازين يومٍ يلتقيبه حبيبين
فيه الفرح مايوصفه حبر الاقلام

شكرا اختي

شكرا يااموله